o係901訓訓下凍醒左，
「呢個世界真係好凍」。

喉嚨超痛，流鼻水流左成晚，
我feel到自己再咁落去應該會病。

成個禮拜都返左901做野，好累。

每日都訓得勁少，餐餐都係食島仔，
體質超弱，成個人勁冇精神。

尋晚真係胃痛到好想返屋企，
好彩係島仔7-11買到胃藥先可以係lab撐到成晚。

如果唔係夜麻麻我都唔知一個人點返屋企。

不過我而家真係好想返屋企沖涼，
無奈我實在住得太遠。= =

一連四日都o係lab趕緊Special Topic功課，
轉頭等印刷舖開門，拎埋份稿出去印書，
總算又完成一份Final Project。

終於可以暫時抖下，返屋企訓返日，
然後weekend返黎再戰processing。

每個Sem都趕功課趕到嘔血，
次次都以為下個Sem workload會少D，
但其實workload只會越來越多。

不過好彩每次o係lab通頂都有你地陪我...



如果得我自己一個，我應該捱唔到呢三年。:P

901的同學們，加油啊！！！

鍾意上Franics堂，係因為我上堂學到既唔止係Skill，而係Sense。

上佢堂亦令我知道自已既缺點同個性。

每次上完Drawing都有一種好充實既感覺，
因為每一次我都學到新野，每一次我都學曉用一個新既角度去諗野。

由中學到大學，一直讀左咁多年Art/Design-related既野，
係直到今個Sem我先慢慢開始明白咩係Art，
亦漸漸覺得自已以前一直所做既，都只係「所謂既Art」。

「你D讀design既半Major同學黎恰D Non-major同學。」

其實每次上完VA，我都覺得自己唔應該讀design。

Mind-set可以train，Creativity可以train，
但我既Personality本身就唔係咁。

記得有次好傻咁去問Francis，
我覺得自已畫畫好刻板、好悶、好柔、好唔Bold，
係咪應該要特登去試多D唔同既風格。

然後佢叫我要轉形唔好黎畫畫，
叫我去學打拳、爛街、be wild。

一個人既Personality本身唔係咁爆，
就算模彷到畫風，都畫唔出感覺，總會覺得格格不入。

當年為左入Poly Design，成日都做好多Research去估佢想收D咩人，
又會諗到底一個點樣既人先適合讀Design，
然後會好刻意咁去做一堆protfolio去迎合，
Interview、Aptitude Test又好刻意咁扮到自己係一個好Design既人。

(又或者我當時的確係個咁既人，只係我而家變左，其實我都唔知。:P)

最後真係做到喇～當時以為自己會好enjoy，
但而家諗返又覺得其實唔太enjoy。

「你呢個係Expressive & 有Personality，做到我想要既野，
但如果係Poly Design就唔會buy呢套喇。佢地唔會鍾意睇呢D野。」

(咁我諗而家既我應該係適合讀Art多D，哈哈XP)

「讀digital graphic既同學諗住第時出黎做D咩呀？」

其實讀左三年graphic，我係越讀越lost，
越讀越唔enjoy working in this field。

可能始終係Major關係掛～
當你係Major學生既時候，
你畫畫畫得靚、Design做得好係理所當然，
就算行外人覺得你做得有幾好，
Lecturers同行內人永遠都覺得你做得未夠好。

「出黎做咩都好，冇所謂架，唔好做個壞人咪得囉～」

(係好老土，但我當時真係笑左。XD)

「Major既同學每份功課都排名次、分高低，
每次都係成敗得失中肯定同否定自己。
叻既同學不斷肯定自己，越爬越高，
表現比較弱既同學不斷否定自己，越讀越頹。」

Exactly。

可能呢個亦係我以前D同學成日話Design人其實係好難同自己D同學做到知心好友既原因掛～

一班Non-Major既同學去讀VA既科，
反而就可以享受到同學之間互相欣賞同學習既良性關係，
每一堂都可以有講有笑，亦唔會太介意別人比自己做得好。

呢種感覺好輕鬆，好舒服。

「咁你之後咪繼續take多D VA既科囉～」

嗯。一定會。=]

雖然我讀親VA都係要通頂，
(其實要通頂應該係因為Major workload太多 + 我平時懶 :P)
但至少我讀一科VA學到既野多過我讀三年DGC。

而且o係VA同Lecturer呢種亦師亦友既關係，
我相信我o係DGC係永遠都唔會搵到。

雖然以一科for non-major既Intro黎講 Francis D workload真係多左D...
但我都無後悔當日冇跟另外九個同學一齊Drop左呢科～
因為我今個Sem讀呢科都真係讀得幾開心。:)